Idman.biz
Futbol üzrə Gürcüstan millisi ardıcıl dördüncü qələbəsini qazanmaq şansını qaçırıb.
İdman.biz xəbər verir ki, gürcülər yoldaşlıq görüşündə Kabo Verde komandası ilə heç-heçə ediblər - 1:1.
PSJ ilə Çempionlar Liqasının qalibi Xviça Kvaratsxeliyanın çıxış etmədiyi oyunda meydan sahibləri birinci hissənin sonunda hesabı açsalar da, 80-ci dəqiqədə penaltidən qol buraxıblar.
"Zirə"nin gürcü hücumçusu Davit Volkov 54-cü dəqiqədə oyuna daxil olub.
"Qarabağ"lılar - 15 qolla Azərbaycan çempionatının bombardiri olan Leandro Andrade sonuncu dəfə 2023-cü ildə, Patrik Andrade isə 2024-cü ildə Kabo Verde millisinin formasını geyiniblər.
Qeyd edək ki, Gürcüstan millisi bundan əvvəlki üç matçında Ermənistana 3:0 və 6:1, bu ay Farer adaları komandasına isə 1:0 hesabı ilə qalib gəlmişdi.
İdman.biz
