Idman.biz
Danimarka mətbuatı hollandiyalı, türk mənşəli hakim Serdar Gözübüyükün Çempionlar Liqasının qrup mərhələsinin ikinci turunda Bakıda Tofiq Bəhramov adına Respublika Stadionunda keçiriləcək "Qarabağ" – "Kopenhagen" matçına təyinatına kəskin reaksiya verib.
İdman.biz-in xarici mediaya istinadən verdiyi xəbərə görə, ötən həftəsonu qalmaqalın mərkəzində olan hakim bu oyunu idarə edəcək.
Jurnalistlər "Herakles" – "Sparta" oyununu xatırladaraq bildiriblər ki, hakim sərt faula görə müdafiəçiyə ikinci sarı vərəqəni göstərməyib və qonaqlar üçün VAR müdaxiləsindən sonra penalti qərarını ləğv edib.
"Sparta"nın baş məşqçisi Mauris Stayn bu qərarları gülünc adlandırıb, Niderland mütəxəssisləri isə ikinci xəbərdarlığın verilməli olduğunu təsdiqləyiblər. Bütün bunlar fonunda danimarkalılar Gözübüyükün Bakıya təyinatından narazılıq edirlər.
Qeyd edək ki, Bakıda Serdar Gözübüyüyə yan xətlərdə Ervin Zeynstra və Patrik İniya kömək edəcək. Dördüncü hakim Yannik van der Laan, VAR-da isə Rob Diperinq olacaq.
"Qarabağ" - "Kopenhagen" oyunu oktyabrın 1-də, saat 20:45-də start götürəcək.
Teymur Tuşiyev
