Sport24.az
"Barselona"nın sabiq futbolçusu Dani Alveş Portuqaliyanın 3-cü divizionunda çıxış edən "Sao Joao de Ver" klubunu almağa hazırlaşır. Sport24.az xəbər verir ki, bu haqda "Globo" məlumat yayıb.
42 yaşlı müdafiəçi hazırda "Sao Jo de Ver" üçün danışıqlar aparır. O, öz klubunda karyerasını bərpa etməyi və 6 ay müddətinə meydana qayıtmağı planlaşdırır. Alveş həmçinin klubda idman və inzibati vəzifələri öz üzərinə götürmək niyyətindədir.
Qeyd edək ki, İspaniya Ali Məhkəməsi Barselonadakı gecə klubunda bir qadına təcavüz etməkdə ittiham edilən Dani Alveşə təqsirsizlik prezumpsiyası prinsipinə əsaslanaraq bəraət qazandırıb. O, 14 aylıq həbsdən sonra bu ilin mart ayında azadlığa buraxılıb.
