Sport24.az
Avrokuboklar tarixində ən çox qarşılaşan eyni ölkə təmsilçilərinin siyahısı açıqlanıb. Sport24.az xəbər verir ki, İFFHS-in cədvəlində ən azı 3 dəfə yolları kəsişən cütlər yer alıb.
Rekord "Real"la "Atletiko"ya məxsusdur. İspaniya klubları 7 duelə çıxıblar.
"Çelsi" və "Liverpul" 6, "Real"la "Barselona" 4 mövsümdə bir-birinə rəqib olub. "Barselona" "Valensiya" və "Sevilya"nın hərəsi ilə 3 duelə çıxıb. Sonuncuların "Real"la da yolları eyni sayda kəsişib. Avrokuboklarda "Milan"la "İnter"in derbisi də üç dəfə yaşanıb.
Qeyd edək ki, az qala daimi rəqiblərə çevrilən yeddi cütdən beşi İspaniyanı təmsil edir. İngiltərə və İtaliyada isə bir belə duet var.
