Idman.biz
Azərbaycan millisinin müdafiəçisi Anton Krivotsyukun formasını geyindiyi "Daejeon" ardıcıl ikinci oyunda məğlub olub.
İdman.biz xəbər verir ki, komanda bu dəfə Cənubi Koreya çempionatının 27-ci turu çərçivəsində səfərdə "Anyang"a 2:3 hesabı ilə uduzub.
Qonaqlar iki dəfə hesabda irəli çıxsalar da, 72-ci dəqiqədə azlıqda qaldıqlarından üstünlüklərini qoruyub saxlaya bilməyiblər.
Start heyətində meydana çıxan Krivotsyuk oyunu əvəzolunmadan keçirib.
Hesabında 42 xal olan "Daejeon" hazırda turnir cədvəlinin 4-cü pilləsində qərarlaşıb.
İdman.biz
