Idman.biz
Azərbaycanın "Sabah" futbol klubunun almaniyalı hücumçusu Coy-Lens Mikelsin Qazaxıstan Premyer Liqası komandalarından birinə keçidi gündəmdə deyil.
İdman.Biz ASnews.kz-yə istinadən yaydığı məlumata görə, mətbuatda yer alan iddialara baxmayaraq, 31 yaşlı futbolçu hazırda Qazaxıstan çempionatında çıxış edən klublarla heç bir danışıqlar aparmır.
Oyunçunun nümayəndəsi Merih Türker Qazaxıstan mətbuatına açıqlamasında bildirib ki, hazırda onlarla heç kim əlaqə saxlamayıb və yayılan xəbərlər saxtadır.
Qeyd edək ki, Mikkels hazırda Azərbaycan çempionatının ən məhsuldar futbolçusudur.
"Sabah"da çıxış edən hücumçu 13 oyunda səkkiz qol və üç məhsuldar ötürmə ilə yadda qalıb. Onun klubla müqaviləsi 2026-cı ilin iyununa qədər qüvvədədir və gələcəkdə daha statuslu liqada çıxış edəcəyi gözlənilir.
