Idman.biz
"Hər zaman ilk oyunlar çətin alınır".
İdman.biz xəbər verir ki, bunu "Sabah"ın futbolçusu Coy-Lens Mikels Sportal.az-a açıqlamasında deyib.
Alman futbolçu komandasının Misli Premyer Liqasının 2-ci turunda "Şamaxı" üzərində qazandığı 2:1 hesablı qələbəsini edib: "Qol buraxsaq da, konsentrasiyanı saxladıq və ikinci qolumuzu vurduq. Şamaxıda layiqli qələbə qazandıq. Mövsümə qələbə ilə başlamaq çox vacib idi. Çünki bizdən uğurlu nəticələr gözləyirlər".
O, "Şamaxı" ilə görüşdə dubl etməsi barədədə danışıb: "Şadam ki, qollarımla komandama kömək oldum. Qol vurmaq mənim işimdir. Bunu etmək, komandaya kömək olmaq alınırsa, bu da yaxşıdır".
Qeyd edək ki, "Sabah"ın 1-ci turda "Qarabağ"la keçirəcəyi oyunu təxirə salınıb.
İdman.biz
