Sport24.az
"Təlim-məşq toplanışı qaydasında gedir. Bütün komanda növbəti mövsümə tam hazır olmaq üçün var qüvvəsi ilə çalışır. Cəmi bir mövsüm komandada olmamışam. Buna görə heyətdəki futbolçuların əksəriyyətini, burada çalışan insanları tanıyıram. Bura qayıtdığım üçün çox şadam". Bu sözləri Sport24.az - a açıqlamasında "Sabah"ın futbolçusu Coy-Lens Mikels deyib.
Almaniyalı futbolçu toplanış və yoxlama oyunları haqqında da danışıb: "Yoxlama oyunlarında əsas nəticə deyil. Əsas olan, qarşıda bizi gözləyən uzun mövsüm üçün oyun ritminə düşmək, tam hazır olmaq və zədə almamaqdır. Düşünürəm ki, yorğunluq azaldıqca, konsentrasiyamız artdıqca, oyundan-oyuna daha yaxşı oynayacağıq".
Qeyd edək ki, ötən yay "bayquşlar"dan ayrıılan Mikels bu yay yenidən Masazır təmsilçisinin düşərgəsinə qoşulub.
ABDULLA İSMAYILOĞLU
