Sport24.az
Azərbaycan millisinin futbolçusu Coşqunə Əliyevanın Sport24.az-a müsahibəsi
- Litva ilə oyundan gözləntiləriniz...
- Litva ilə qarşıdakı oyundan uğurlu nəticə gözləyirik. Komanda olaraq hazırlığımız yaxşı gedir və məqsədimiz üç xal qazanmaqdır. Rəqibi analiz etmişik, zəif və güclü tərəflərini bilirik. Əsas olan meydanda öz oyunumuzu göstərmək və azarkeşlərimizi sevindirməkdir.
- Litva yığması ilə artıq bir dəfə qarşılaşmısız. Rəqibin hansı güclü tərəfləri var?
- Bəli, onlarla artıq bir dəfə qarşılaşmışıq və bilirik ki, Litva intizamlı və fiziki baxımdan güclü komandadır. Müdafiədə yaxşı təşkilatlanıblar və əks-hücumlarda təhlükəli ola bilirlər. Bizə qarşı da kompakt oynayacaqlarını gözləyirik. Ona görə daha diqqətli olmalıyıq.
- Qrupda ilk pilləni tutmaq şansını necə dəyərləndirirsiniz?
- Hər şey bizim əlimizdədir. Qrupdan çıxmaq üçün bizə yalnız qələbə sərf edir. Maksimum nəticə əldə etməliyik. Öz oyunumuzu oynasaq, bu məqsədə çata bilərik. Komanda daxilində inam var və bu da bizi irəli aparır.
- Rafael Ağayev bu yaxınlarda məşqinizə gəlmişdi. Motivasiya baxımından bu sizə necə təsir edəcək?
- Rafael Ağayev bizim üçün böyük nümunədir. Onun kimi bir idman əfsanəsinin bizim məşqdə olması çox qürurverici idi. Bu, həm motivasiya, həm də məsuliyyət hissi baxımından bizə müsbət təsir göstərdi. Onun dəstəyi bizə əlavə enerji verdi.
