Idman.biz
Hollivud ulduzu Conni Depp bu həftə Argentinanın məşhur "Bombonera" stadionunda "Boka Xuniors"un matçını canlı izləyib və klubun vitse-prezidenti Xuan Rikelmenin şəxsi hədiyyəsi olan adının yazıldığı formanı alıb.
İdman.Biz xəbər verir ki, Deppdən əvvəl də son günlər Argentina nəhənginin oyunlarını izləməyə digər dünya şöhrətli simalar – Dua Lipa və Noel Qallaher də gəliblər.
Deppin stadiondakı görüntüləri qısa müddətdə sosial şəbəkələrdə viral olub.
Argentina mətbuatı isə məşhur şəxslərin "Boka Xuniors" matçlarına artan marağının klubun qlobal populyarlığını daha da artırdığını yazır.
