Sport24.az
"Mançester Siti"nin müdafiəçisi Con Stounzun başına kuryoz hadisə gəlib. Sport24.az xəbər verir ki, ingiltərəli futbolçu evində zədələnib. Bu barədə "Sky Sports" televiziyası məlumat yayıb.
Stouns yeni il üçün şam ağacını bəzəyən zaman yıxılıb və ayağı əzilib. 31 yaşlı mərkəz müdafiəçisi sabah Çempionlar Liqası Liqa mərhələsinin "Real"la matçında komandaya kömək edə bilməyəcək.
Qeyd edək ki, Con Stounz bu mövsüm "Mançester Siti"nin heyətində 13 rəsmi matçda meydana çıxıb. İngiltərə millisinin üzvünün klubla müqaviləsi gələn ilin yayında başa çatır.
