Idman.biz
İngiltərə millisinin keçmiş yarımmüdafiəçisi Co Koul Harri Keyni Erlinq Halanddan üstün tutduğunu deyib.
İdman.Biz bildirir ki, "Mançester Siti"nin hücumçusu Haland 2000-ci ildən bəri top beş liqada bir klubda 100 qolu daha tez vuran oyunçular siyahısında ikincidir. Norveçli futbolçu bunu 105 matçda bacarıb. Harri Keyn isə bunu 104 oyunda edib.
"105 matçda 100 qol vurmaq təsirli bir uğurdur. Xüsusilə Premyer Liqada. Məncə, bu ən çətin liqadır.
Bunu bir neçə il əvvəl demişdim, amma mənə güldülər. Düşünürəm ki, Erlinq klub və yığmadakı karyerasında 1000 qol vuracaq. Məncə, onun mərkəz hücumçuları arasında tayı yoxdur.
Harri İngiltərədə ən yaxşı 10-cu ola bilər. Harri Erlinq Halanddan daha yaxşı oyunçudur. O mənada ki, Keyn müxtəlif mövqelərdə oynaya bilər və onun statistikası hələ də inanılmazdır", - Koul deyib.
