Idman.biz
Bu gün UEFA Çempionlar Liqasının Liqa mərhələsinə start verilib.
İdman.biz xəbər verir ki, ilk oyun günündə 6 qarşılaşma baş tutub.
İlk qarşılaşmalar İspaniya və Niderlandda keçirilib. "Atletik" "Arsenal"ı "Eyndhoven" isə Belçikanın "Yunion" klubunu qəbul edib.
İspan və ingilis klublarının qarşılaşmasında birinci hissə qolsuz başa çatıb. İkinci hissədə 72-ci dəqiqədə Martinelli qonaqları irəli çıxarıb - 0:1. 87-ci dəqiqədə Trossar qonaqların üstünlüyünü artırıb - 0:2. Beləliklə, "Arsenal" ÇL-nin Liqa mərhələsindəki ilk oyununda iki top fərqi ilə qalib gəlib.
Niderland və Belçika təmsilçilərinin oyununda hesabı gözlənilmədən qonaqlar açıblar. 9-cu dəqiqədə David penaltidən qonaqları irəli çıxarıb - 0:1. 39-cu dəqiqədə Ayt-əl-Hac ikinci topu meydan sahiblərinin qapısından keçirib. İkinci hissədə 81-ci dəqiqədə Kevin Mak Alister hesab arasındakı fərqi üç topa çatdırıb - 0:3. 90-cı dəqiqədə Van Bommel vurulan toplardan birinin əvəzini çıxıb - 1:3. Görüş bu hesabla bitib. Çempionlar Liqasının əsas mərhələsində ilk dəfə çıxış edən "Yunion" uğurlu starta imza atıb.
Günün son 4 oyunundan birində isə Azərbaycan çempionu "Qarabağ" meydana çıxıb. Ağdam təmsilçisi Portuqaliyada "Benfika"nın qonağı olub. Möhtəşəm oyun göstərən təmsilçimiz 3:2 hesabı ilə əzmkar qələbə qazanıb.
Digər oyunlardan öz dramatikliyi ilə seçilən "Yuventus" - "Borussiya Dortmund" oyununu qeyd etmək olar. Bu qarşılaşmada "Yuventus" məğlubiyyətdən artırılmış dəqiqələrdə vurduğu ikim qolla qurtarıb.
"Real Madrid" isə "Marsel" üzərində qələbəni Mbappenin iki penaltısinin hesabına əldə edib.
Və nəhayət "Tottenhem" "Vilyarreal"ı 1:0 məğlub edə bilib. Yeganə qolu ispaniyalılar öz qapılarına vurublar.
UEFA Çempionlar Liqası
Liqa mərhələsi, I tur
16 sentyabr
20:45. "Atletik" (İspaniya) - "Arsenal" (İngiltərə) - 0:1
Qollar: Martinelli (72), Trossar (87)
20:45. PSV (Niderland) - "Yunion" (Belçika) - 1:3
Qollar: Van Bommel (90); David (9, p), Ayt-əl-Hac (39), Mak Alister (81)
23:00. "Real Madrid" (İspaniya) - "Marsel" (Fransa) - 2:1
Qollar: Mbappe (29, p), (81, p); Vea (22)
23:00. "Yuventus" (İtaliya) - "Borussiya" (Dortmund, Almaniya) - 4:4
Qollar: Yıldız (63), Vlaxoviç (67, 90+4), Kelli (90+6); Adeyemi 52, Nmeça (65), Kouto (74), Bensebaini (86, p)
23:00. "Tottenhem" (İngiltərə) - "Vilyarreal" (İspaniya) - 1:0
Qollar: Luis Cunior (4, aq)
23:00. "Benfika" (Portuqaliya) - "Qarabağ" (Azərbaycan) - 2:3
Qollar: Barreneçea (6), Pavlidis 16: Andrade (30), Duran (48), Kaşuk (86)
İdman.biz
