"Borussiya"nın cinah oyunçusu Kərim Adeyemi UEFA Çempionlar Liqasının 2023/24 mövsümünün ən sürətli futbolçusu olub. Sport24.az xəbər verir ki, UEFA-nın saytında dərc olunmuş texniki hesabatda 22 yaşlı alman futbolçunun həmin mövsüm ən yaxşı sürət nümayiş etdirdiyi bildirilib.
"Real"la turnirin final oyununda Adeyemi 37,8 km/saata sürətlə hərəkət edib. İkinci ən sürətli oyunçu PSJ-nin müdafiəçisi Nuno Mendesdir. Onun göstəricisi 37,2 km/saatdır.
3-cü yeri 36,1 km/saat sürətlə PSJ-nin keçmiş forvardı, hazırda "Real"da çıxış edən Kilian Mbappe tutub.
Adeyemi bu mövsüm Almaniya klubunda 5 matçda iştirak edib, 2 qol vurub və 1 qolun ötürməsini verib.