Idman.biz
UEFA Çempionlar Liqasının əsas mərhələsində V turun oyunları davam edir.
İdman.Biz bildirir ki, "Çelsi" öz meydançasında "Barselona"nı qəbul edib.
Matç 3:0 hesabı ilə meydan sahiblərinin xeyrinə başa çatıb. Qoları Jül Künde (27), Estevao (55) və Liam Delap (73) vurublar.
Digər oyunda "Borussiya Dortmund" "Vilyarreal"I qonaq edib. Bu oyunda da İspaniya təmsilçisi böyük hesabla uduzub – 4:0. Qolları Seru Girassi (45+2, 54) və Kərim Adeyemi (58) vurublar.
"Mançester Siti" isə öz meydançasında gözlənilmədən "Bayer Leverkuzen"ə məğlub olub – 0:2.
Oyunda hesabı 23-cü dəqiqədə Qrimaldo açıb. 54-cü dəqiqədə Patrik Şik hesab arasındakı fərqi artırıb.
Norveçin "Büdö-Qlimt" klubu isə İtaliyanın "Yuventus" klubuna məğlub olub – 2:3.
Qolları meydan sahiblərindən Ole Didrik Blomberq (27) və Sondre Brunstad (87), qonaqlardan isə Lua Openda (48), Ueston Makkenni (59) və Conatan Devid (90+1) vurublar.
Fransanın "Marsel" klubu isə "Nyukasl Yunayted"lə mübarizədən qalib ayrılıb – 2:1.
Fransızların qollarını 46 və 50-ci dəqiqələrdə Obameyanq vurub. İngilislərdən Xavi Barns 6-cı dəqiqədə fərqlənib.
Praqanın "Slaviya" klubu ilə "Atletik Bilbao"nun oyununda isə hesab açılmayıb.
23:41
UEFA Çempionlar Liqasının əsas mərhələsində V turun oyunları start götürüb.
İdman.Biz bildirir ki, "Qalatasaray" öz meydançasında Belçikanın "Yunion" klubunu qəbul edib.
Oyun 1:0 hesabı ilə qonaqların qələbəsi ilə yekunlaşıb.
Turun digər qarşılaşmasında autsayderlər - "Ayaks" və "Benfika" üz-üzə gəliblər.
Joze Mourinyonun yetirmələri turnirdə ilk qələbələrini qazanıblar - 2:0.
09:33
Bu gün UEFA Çempionlar Liqasının əsas mərhələsində V turun oyunları start götürəcək.
İdman.Biz xəbər verir ki, V turun ilk oyun günündə doqquz qarşılaşma baş tutacaq.
V tur çərçivəsində baş tutacaq qarşılaşmaların siyahısını təqdim edirik:
UEFA Çempionlar Liqası
V tur
25 noyabr
21:45. "Qalatasaray" - "Royal Union"
21:45. "Ayaks" - "Benfika"
23:59. "Napoli" - "Qarabağ"
23:59. "Budyo/Qlimt" - "Yuventus"
23:59. "Çelsi" - "Barselona"
23:59. "Borussiya Dortmund" - "Vilyarreal"
23:59. "Mançester Siti" - "Bayer Leverkuzen"
23:59. "Marsel" - "Nyukasl Yunayted"
23:59. "Slaviya Praqa" - "Atletik Bilbao"
Qeyd edək ki, turun oyunlarına sabah yekun vurulacaq.
