Idman.biz
Meksika millisinin və "Qvadalaxara"nın keçmiş futbolçusu Omar Bravo azyaşlı qıza qarşı cinsi zorakılıqda ittiham edilərək həbs ediləndən sonra klub muzeyindən Omar Bravo ilə bağlı bütün eksponatları yığışdırıb.
İdman.Biz İspaniyanın "Marca" nəşrinə istinadən xəbər verir ki, futbolçunun "Qvadalaxara"nın "Akron" stadionundakı muzeyində ona həsr olunmuş bölmə tamamilə ləğv edilib.
Muzeydə əvvəllər Omar Bravonun 155 qolu qeyd edilən xatirə köynəyi, futbolçunun qollarının siyahısı və digər əşyaları sərgilənirdi. Lakin həmin guşə indi dünya çempionatlarında Meksika millisinin heyətində çıxış etmiş "Qvadalaxara" futbolçularına həsr olunan yeni ekspozisiya ilə əvəzlənib. Eyni zamanda, bir vaxtlar "Qvadalaxara"nın əfsanəvi simalarından sayılan Omar Bravo Meksikanının Dünya Çempionatı 2026-nın mundilalında ölkəni təmsil edən səfiri statusunu da itirib.
Hələlik "Qvadalaxara" rəhbərliyi Omar Bravonun köynəyinin muzeydən yığışdırılmasını və ya onun işi ilə bağlı rəsmi açıqlama yaymayıb.
Məlumat üçün əlavə edək ki, Meksikada prokurorluğun məlumatına görə, keçmiş futbolçu yeniyetmə qıza qarşı dəfələrlə zorakı hərəkətlər edib. Ehtimallara əsasən, bu, onun ilk belə hərəkəti deyil.
Bravo artıq Puente-Qrande həbsxanasına yerləşdirilib və yaxın vaxtlarda məhkəmə qarşısına çıxarılacaq.
