Sport24.az
İngilis veteran futbolçu Cimi Karrager "Bavariya"nın hücumçusu Harri Keynin oyununu yüksək qiymətləndirir. Sport24.az xəbər verir ki, Karrager "CBS Sports"a açıqlamasında Keyni İngiltərə tarixinin ən yaxşı hücumçusu adlandırıb:
"Harri Premyer Liqada güclü olmayan komandada (Tottenhem) çox şey əldə etdi. İndi isə xaricə gedərək "Bavariya"da çıxış edir. O, İngiltərə tarixinin ən yaxşı hücumçusudur".
İngiltərəli forvard Çempionlar Liqasının ilk turunda "Çelsi" ilə matçda iki qol vuraraq (3:1) komandasının qələbəsində mühüm rol oynayıb. O, cari mövsümdə bütün turnirlərdə 6 oyuna çıxıb, 10 qol vurub və 3 məhsuldar ötürmə verib.
