Lent.az
İngiltərə millisinin keçmiş hücumçusu Ceymi Vardinin villası qarət edilib.
Lent.az xarici mediaya istinadla xəbər verir ki, hadisə A Seriyasının XII turunun "Kremonese" - "Roma" oyunu zamanı baş verib.
Həmin vaxt evdə yalnız ailənin dayəsi olub. Üç nəfərlik dəstə onun evinə pəncərədən daxil olaraq saatlar, zinət əşyaları, nağd pul və digər yüksək dəyərli əşyalar da daxil olmaqla təxminən 80 min funt sterlinq əmlakını oğurlayıblar. Vardinin dostları evə qayıtdıqda əşyaların yerə töküldüyünü görərək aşkar ediblər.
Futbolçu yayda "Lester Siti"dən ayrılaraq "Kremoneze" klubuna keçib və ailəsi ilə birlikdə 2 milyon funt sterlinq dəyərində villa alaraq Qarda gölü ətrafında məskunlaşıb. Son həftələr o, heyətdə daha çox şans qazanmağa başlayıb.
Qeyd edək ki, bu mövsümdən "Kremonese" klubunda çıxış edən Vardi 8 oyunda 2 qol vurub.
38 yaşlı hücumçu 2012-ci ildən 2025-ci ilə qədər ölkəsinin "Lester Siti" klubunda forma geyinib. O, keçmiş komandasının heyətində müxtəlif yarışlarda 500 oyun keçirib və 200 dəfə rəqib qapılarına yol tapıb.
