Sport24.az
İngiltərə millisinin sabiq hücumçusu Ceymi Vardi karyerasını A Seriyasında davam etdirə bilər. Sport24.az xəbər verir ki, bu barədə insayder Canluka Di Marsio sosial şəbəkəhesabında paylaşım edib.
Mənbənin sözlərinə görə, "Kremoneze" 38 yaşlı forvardın xidmətində maraqlıdır. Tərəflər artıq danışıqların birinci hissəsini yekunlaşdırıblar.
Azad agent olan "Lester"in keçmiş hücumçusu karyerasını A seriyasında davam etdirmək variantlarını nəzərdən keçirir. Onunla İtaliyanın daha bir neçə klubu maraqlanır.
Qeyd edək ki, Vardi ötən mövsüm Premyer Liqada 35 matçda 9 qol vurub və 4 məhsuldar ötürmə verib.
