Idman.biz
İngiltərənin "Liverpul" klubunun sabiq müdafiəçisi Ceymi Karrager klubun hücumçusu Məhəmməd Salahın gələcəyi ilə bağlı açıqlama verib və onun komandadan ayrılma vaxtı barədə ehtimalını irəli sürüb.
İdman.Biz "Goal" nəşrinə istinadla xəbər verir ki, Karragerin sözlərinə görə, klubun hazırkı zədə vəziyyəti, xüsusən də Aleksander İsakin ayağının sınmasından sonra Salahın yanvar transfer pəncərəsində buraxılmasına imkan vermir və qarşıdakı aylar futbolçu üçün uzun bir vida prosesinə çevrilə bilər.
"Mövsümün əvvəlindəki gərginlikdən sonra Afrika Millətlər Kuboku hamı üçün yaxşı fasilə oldu. "Liverpul"un bu dövrü onunla həmişə bağlı qalacaq. O, klubun və Premyer Liqanın tarixində ən böyük oyunçulardan biridir. Buna görə də mövsümün son matçında emosional vida karyerasının komanda ilə ideal, planlaşdırılmış sonluğu ola bilər", - deyə Karrager vurğulayıb.
Qeyd edək ki, Məhəmməd Salah cari mövsümdə bütün turnirlər üzrə 19 oyunda beş qol vurub və dörd məhsuldar ötürmə edib.
