Sport24.az
"Liverpul"un keçmiş müdafiəçisi Ceymi Karrager Məhəmməd Salahın davranışını tənqid edib. Sport24.az xəbər verir ki, veteran futbolçu bununla bağlı"Sky Sports"a açıqlama verib:
"Bu, biabırçılıqdır. Bəzi insanlar bunun emosiya olduğunu deyirlər, amma mən belə düşünmürəm. Salah miks zonada dayananda - o, bunu səkkiz ildə cəmi dörd dəfə edib - bu o deməkdir ki, futbolçu və agenti maksimum zərər vurmaq və mövqelərini gücləndirmək üçün bunu planlaşdırıblar.
O, bu addımı 12 ay əvvəl də atmışdı və mən buna görə onu tənqid etmişəm. Salah "Liverpul" azarkeşlərinin emosiyaları ilə oynayırdı. Ötən mövsüm "Liverpul" liqada liderlik edirdi və hücumçu "Sauthempton"a qələbə qolunu vurmuşdu. Bu, "Liverpul"un sahiblərinə təzyiq göstərmək üçün ən doğru an idi.
Misirli forvard "Liverpul"un oyunçularının, azarkeşlərinin və baş məşqçinin özünü pis hiss etdiyi anı gözlədi. O, Arne Slotun üstünə hücum edir ki, onu işdən çıxarsınlar".
Qeyd edək ki, Salah ardıcıl üç oyunda start heyətində yer almadıqdan sonra klubun ona qarşı münasibətini tənqid edib.
