İdman.biz
"İlk qarşılaşma olduğu zaman nikbin danışmaq olmur".
Bunu İdman.bizə Azərbaycan millisinin sabiq futbolçusu Ceyhun Sultanov deyib.
O, "Zirə"nin Konfrans Liqasının pley-off mərhələsinin ilk oyunları çərçivəsində "Omoniya" ilə görüşünü dəyərləndirib. Sultanov bildirib ki, Rəşad Sadıqovun komandası bugünkü matçda yaxşı nəticə əldə edəcək: "Fikrimcə, cütün taleyi Bakıda həll olacaq. İnanıram ki, Rəşad Sadıqovun da əsas istəyi "Omoniya" ilə səfərdə yaxşı nəticə əldə edərək, Bakıda son nöqtəni qoymaqdır. "Zirə"nin son oyunlarına baxdıqda yüksəlişdə olduğu görünür. Ən azı heç-heçə olmasını istəyirəm".
Qeyd edək ki, "Omoniya" - "Zirə" qarşılaşması bu gün Bakı vaxtı ilə saat 21:00-da baş tutacaq.
Banuçiçək Hüseynli
İdman.biz
