Sport24.az
"Bu oyunla bağlı çox fikir bildirmək olmur". Bu sözləri Sport24.az-a Azərbaycan millisinin sabiq futbolçusu Ceyhun Sultanov deyib.
Hazırda agent kimi fəaliyyət göstərən veteran futbolçu "Sabah"ın bu gün Sloveniya təmsilçisi "Sele"yə qarşı keçirəcəyi Avropa Liqasının I təsnifat mərhələsinin oyunu ilə bağlı danışıb:
"Rəqibdə də maraqlı futbolçular var. "Sabah"ın da heyəti yenilənib. Bu kollektivin oyununu görməmişəm. Bu səbəbdən nəsə demək çətindir. Evdə oynadıqlarına görə şanslar bərabərdir. Amma ümumi götürsək, "Sele" daha mobil və yaxşı komandadır. Yaxşı oyun üslubları var. 90 dəqiqədən sonra nəticəni birlikdə görəcəyik. İlk qarşılaşmada təmsilçimizə uğurlar arzulayıram. Birinci oyundan sonra ümumi nəsə demək olar".
Qeyd edək ki, bu gün "Bank Respublika Arena"da baş tutacaq matç saat 20:00-da start götürəcək. Cavab görüşü bir həftə sonra olacaq.
