Sport24.az
"Sabahkı oyun "Qarabağ" üçün çətin olacaq". Bu sözləri Sport24.az-a açıqlamasında Ceyhun Sultanov deyib.
Veteran futbolçu "Qarabağ"ın özünəməxsus oyun üslubuna sahib olduğunu və bunun sayəsində səfərdən əlverişli nəticə ilə dönəcəyini də vurğulayıb: "Hava şəraiti bu matçda önəmli rol oynayacaq. Məncə, komanda əvvəlki oyun üslubunu qoruyacaq. Lakin müdafiə xəttində bəzi dəyişikliklər olacaq ki, bu da problemlər yarada bilər. Yene də, komanda bunun öhdəsindən gəlmək üçün əllərindən gələni edəcək. Ümumilikdə, "Qarabağ"ın özünə məxsus oyun üslubu var və bu üslub sayəsində yaxşı nəticələr əldə edə biləcəklərinə inanıram. Rəqib sürətli və təhlükəli olsa da, mənim fikrimcə, "Qarabağ" qalib gələcək. Artıq komandanın müəyyən bir oyun tərzi olduğu üçün bu matçdan da müsbət nəticə əldə etmək mümkündür. Əsas odur ki, sabah bəxt də bizimlə olsun".
Qeyd edək ki, Avropa Liqasının Liqa mərhələsinin VI turu çərçivəsində "Qarabağ" sabah İsveçdə "Elfsborq"un qonağı olacaq. Matç Bakı vaxtı ilə 00:00-da başlayacaq.
