Sport24.az
"Millimizin oyunlarına münasibət bildirməyə utanıram". Bu sözləri Sport24.az-a açıqlamasında Ceyhun Sultanov deyib.
Tanınmış menecer yığmamızın yoldaşlıq görüşündə Belarusa məğlub olduğu oyunla bağlı fikirlərini bölüşüb:
"Düzdür, baş məşqçi meydana gəncləri buraxmaqla onların gələcək perspektivini gördü. Əslində, onların nəyə qadir olduğu bəlli idi. Çox danışmaq istəmirəm, mənim üçün danışmaq çətindir. Belarus yığmasının ispaniyalı baş məşqçisi taxta kimi futbolçuları pasla oynatmağa çalışır. Hansılar ki, ayağında top saxlaya bilməyən futbolçular bunu bacarıb bizimlə ispan futbolu oynadılar. Mən buna üzülürəm və utanıram".
Qeyd edək ki, milli komadamız yoldaşlıq görüşlərində Haitiyə 0:3, Belarusa isə 0:2 hesabı ilə məğlub olub.
