Sport24.az
"Hər iki oyun maraqlı keçdi. İlk görüşdə "Araz-Naxçıvan" və "Sabah" qalib gəlsə də, cütün taleyinin həll olunduğunu demək olmaz". Bu sözləri Sport24.az- açıqlamasında Ceyhun Sultanov deyib.
Veteran futbolçu Azərbaycan Kubokunun ilk yarımfinal matçları ilə bağlı fikilərini bölüşüb:
"Dünənki oyunlardan sonra da hansısa cütdə aşkar favoritin olduğunu söyləmək çətindir. Fikrimcə, cavab qarşılaşmaları daha gərgin və güşəztsiz mübarizə şəraitində keçəcək. İlk oyunlar həmişə kəşfiyyat xarakteri daşıyır, komandalar az səhv etməyə çalışırlar. Məncə, yarımfinala yüksələn hər 4 komandanın həlledici görüşə vəsiqə qazanmaq şansı var".
Qeyd edək ki, yarımfinalın cavab qarşılaşmaları aprelin 23-də baş tutacaq.
