Sport24.az
"Turan Tovuz" minimal hesablı qələbə qazansa da, oyunboyu "Neftçi" dominant futbol oynadı". Bu sözləri Sport24.az-a açıqlamasında Ceyhun Sultanov deyib.
Millinin sabiq üzvü Misli Premyer Liqasının III turunun "Neftçi" – "Turan Tovuz" (0:1) matçını şərh edib:
"Flaqman 10 nəfər qalandan sonra da "Turan Tovuz" hesabı qorumağa çalışırdı. Mənə elə gəlir, "Turan Tovuz" üçün belə oyun üslubunu dəyişmək lazımdı. "Neftçi" isə hücum planında çox işləməlidir. 3 tur keçib, çox şey demək çətindir. Məncə, komandalar hələ formada deyillər. Bir az vaxt keçdikdən sonra nəsə söyləmək olar. Amma ümumilikdə xallar itirirsənsə, bunu bərpa etmək üçün işlər görməlisən. Azarkeşlər həmişə "Neftçi"dən qələbə gözləyir. Futbolda bəzən istədiklərin alınmır. Ona görə azarkeşlərə səbr, komandaya da futbolçuların tam formaya düşməsi vaxt lazımdır. Kollektivin içində olmadığım üçün çox şey deyə bilməyəcəm".
Qeyd edək ki, 3 turdan sonra "Neftçi"nin aktivində 2, "Turan Tovuz" da 6 xal var.
