Sport24.az
"Millimizə hər oyunda qələbə vacibdir". Bu sözləri Sport24.az-a Azərbaycan millisinin sabiq futbolçusu Ceyhun Sultanov deyib.
45 yaşlı keçmiş yarımmüdafiəçi yığmanın bu gün səfərdə Latviyaya qarşı keçirəcəyi yoldaşlıq oyunu ilə bağlı fikirlərini bölüşüb:
"Futbolçularımızın, komandanın hansı durumda olacağı bizim üçün maraqlıdır. Düşünürəm ki, baş məşqçi Fernandu Santuş gələcəyin komandasını qurmaq üçün gedişatlar edəcək. Yoldaşlıq görüşüdür. Futbolçuları yoxlayacaq. Amma nəticə də önəm daşıyır. Milli komandamızı tanıyırıq və futbolçuların hansı keyfiyyətə malik olduğunu bilirik. Bu rəqib də bizimlə eyni səviyyədədir. Ən azı yaxşı oyun görmək istəyirik. Belə olan təqdirdə nəticələr gələcək. Komandamıza uğurlar arzulayıram!".
Qeyd edək ki, bu gün Riqadakı "Skonto" stadionunda baş tutacaq Latviya - Azərbaycan oyunu Bakı vaxtı ilə saat 17:00-da start götürəcək.
