Sport24.az
"Kubok oyunları haqda fikir bildirmək çətindir". Bu sözləri Sport24.az-a Ceyhun Sultanov deyib.
Hazırda agent kimi fəaliyyət göstərən veteran futbolçu ölkə kubokunun yarımfinalının cavab qarşılaşmaları haqda fikirlərini bölüşüb:
"İlk oyunlarda "Araz-Naxçıvan" "Qarabağ"a, "Sabah" "Neftçi"yə qalib gəlib. Şanslar bərabərdir. Kim az səhv edəcəksə, qalib gələcək. İnanmıram derbidən sonra hansısa komandada yorğunluq ola. Bir futbolçunun bərpa olunmasına 48 saat bəs edir. Bizim 3 gündən bir oyunlarımız hər dəfə olmur. Heç kim deyə bilməz ki, kubok oyununa yorğun çıxmışdıq. Klubların heyətində biri-birini əvəz etməyə kifayət qədər futbolçu var".
Qeyd edək ki, yarımfinal mərhələsinin cavab oyunları aprelin 23-də baş tutacaq.
