İdman.biz
"Qarabağ" rəqibindən qat-qat üstündür".
Bunu İdman.bizə Azərbaycan millisinin sabiq futbolçusu Ceyhun Sultanov deyib.
O, Ağdam klubunun Çempionlar Liqasının II təsnifat mərhələsində "Linkoln" (Cəbəllütariq) ilə keçirəcəkləri cavab matçını dəyərləndirib. Veteran futbolçunun sözlərinə görə, Azərbaycan təmsilçisi səfərdə lazımi nəticəni əldə edib: "İnanmıram ki, "Linkoln" Bakıda nəyisə dəyişə biləcək. Bəlkə də böyük hesablı qələbə oldu. Bundan sonra növbəti oyun barədə düşünməliyik. Düzdür, hər bir matça ciddi yanaşılmalıdır. Rəqibə qarşı saymamazlıq etmək olmaz. Fikrimcə, "Qarabağ" bu mərhələni rahatlıqla keçəcək. Bundan sonrakı mərhələlər üçün də ciddi hazırlaşmalıdılar".
Qeyd edək ki, ilk oyunda 2:0 hesabı ilə qalib gələn Azərbaycan çempionu Cəbəllütariq təmsilçisi ilə ikinci matçını iyulun 30-da keçirəcək.
Banuçiçək Hüseynli
İdman.biz
