Sport24.az
"Təlim-məşq prossesi öz axarında gedir. Tədricən istədiyimiz formaya gəlirik. Avropa Liqasında "Şerif"lə keçirəcəyimiz oyuna kimi optimal formada olacağıq". Bu sözləri Sport24.az-a açıqlamasında Ceyhun Nuriyev deyib.
Hazırda Türkiyədə təlim-məşq toplanışında olan "Zirə"nin futbolçusu "Şerif"lə görüşdə azarkeşləri sevindirəcəyinə inandığını da vurğulayıb: "Moldova klubu ilə oyunlara hazırıq. Azarkeşlərimizə Tiraspol təmsilçisi ilə qarşılaşmalarda "Zirə"nin nəyə qadir olduğunu göstərəcəyik. "Şerif" təcrübəli və güclü rəqib olsa da, biz də zəif deyilik. Məqsədimiz Avropa Liqasında maksimum uzağa getməkdi".
Milliyə də cəlb olunan yarımmüdafiəçi hazırda davam edən qitə çempionatı ilə bağlı da fikirlərini bölüşüb: "Demək olar, bütün oyunlara baxıram. Avropa çempionatı çempionatında çox maraqlı və gərgin qarşılaşmalara şahidlik edirik. Konkret hansısa yığmanın turnirin favoriti olduğunu söyləmək çətindi. Almaniyaya azarkeşlik etdiyimdən onların qalib olmasın istəyərdim".
ABDULLA İSMAYILOĞLU
