Sport24.az
"Zirə"nin futbolçusu Ceyhun Nuriyev Sport24.az-a müsahibə verib. O, komandasının son oyunlarda qeyri-sabit çıxış etməsindən danışıb.
Ardıcıl üç məğlubiyyətdən sonra qələbə qazandınız. Əvvəlki matçlarda edə bilməyib, "Sumqayıt"la oyunda etdiyiniz nə oldu ki, qalib gəldiz?
- Hər matçda qələbə üçün əlimizdən gələni edirdik. Ancaq bu oyun daha istəkli idik və rəqibi hər komponentdə üstələdik. Məhz ona görə də layiqlı qələbə qazandıq.
Bu mövsüm "Zirə" özünə bənzəmir. Qeyri-sabit çıxışın səbəbini nədə görürsüz?
- Mövsümə çox yaxşı başlamışdıq. Belə enişli çıxışlar olur. Eyni istəyi göstərib nəticələrimizi stabilləşdirməliyik.
Üçüncü sıradakı "Turan Tovuz"la xal fərqi 4-ə düşdü. Qış fasiləsinə qədər bunu aradan qaldırmaq mümkün olacaq?
- Mümkündür. Turnir cədvəlinə çox fikir vermirəm. Sadəcə qarşıdakı oyunlarda maksimum xal toplamağa çalışırıq.
Qarşıdan sıx qrafik gəlir. Həm kubokda, həm də çempionatda çətin oyunlarınız olacaq. Özünüzü hazır görürsünüz?
- Sıx qrafikə öyrəşmişik. Avrokubok zamanı da sıx qrafikdə oynayırdıq və nəticələrimiz yaxşı idi.
"Zirə" son illərdə kubokda inamlı çıxışı ilə diqqət çəkir. Bu il çempionluq mümkün olacaq?
- Bu il buna inanırıq. Son finalçı kimi artıq Azərbaycan Kubokunu qazanmağa gücümüz yetir.
Kubokda "Şamaxı" ilə oyun var. Hədəf nədir?
- Çətin oyun bizi gözləyir. Hədəf qalib gəlib, finala qədər getməkdir.
Nuh Tarverdiyev
