Sport24.az
"Bu oyunda qələbə qazanacağımıza inanırdıq. İlk hissədən sonra belə inamımız azalmamışdı". Bu sözləri Sport24.az-a açıqlamasında "Zirə"nin futbolçusu Ceyhun Nuriyev deyib.
23 yaşlı yarımmüdafiəçi Premyer Liqanın XXI turunda "Qarabağ"a qalib gəldikləri (3:2) matç barədə fikirlərini bölüşüb:
"Layiqli qalibiyyət əldə etdik. Komandamızın əzmkarlığına alqış düşür. Baş məşqçimiz Rəşad Sadıqov da qələbəyə inanırdı və bunu bizə aşılayırdı. Fasilədə matçdan qopmamağımızı tapşırdı və biz bunu artıqlaması ilə etdik".
Nuriyev bu nəticənin avrokuboklara vəsiqə qazanmaq baxımından onlara çox kömək edəcəyini söyləyib.
Qeyd edək ki, "Zirə" "Qarabağ"la oyunun ilk hissəsinsə 0:2 hesabı ilə geridə olub.
