Sport24.az
"Hər mövsüm olduğu kimi bu dəfə də ölkə kubokunu qazanmaq hədəflərimizdən biridir". Bu sözləri Sport24.az-a açıqlamasında "Zirə"nin futbolçusu Ceyhun Nuriyev deyib.
23 yaşlı yarımmüdafiəçi titula sahib çıxmaq üçün sonadək mübarizə aparacaqlarını bildirib. O, "Araz-Naxçıvan"a qarşı keçirəcəkləri Azərbaycan Kubokunun 1/4 final mərhələsinin matçı ilə bağlı danışıb:
"Bu rəqiblə oyunlarımız həmişə ağır keçir. Artıq çempionatda qalib gəldiyimiz son matçı unutmuşuq. Komanda olaraq sabahkı görüşə köklənmişik".
Nuriyev Premyer Liqanın XXI turunda "Neftçi"yə qarşı keçirəcəkləri oyuna da toxunub: "Hər nə olsa da, hazırkı durumundan asılı olmaraq rəqib "Neftçi"dir. Təhlükəli və güclü futbolçuları var. Bu qarşılaşma da ağır və maraqlı olacaq".
Qeyd edək ki, fevralın 6-da təşkil olunacaq "Araz-Naxçıvan" - "Zirə" matçı saat 16:00-da start götürəcək.
