Sport24.az
"Rəqibi təhlil etmişik.Bizi II tənifat mərhələsində mübarizədən kənarlaşdığımız Slovakiya təmsilçisindən daha güclü Xorvatiya klubuyla iki gərgin oyun gözləyir. Məğlubedilməz və keçilməz rəqib yoxdu. Nikbinik və uğurumuzun ardını gətirmək istəyirik". Bu sözləri Sport24.az-a açıqlamasında "Zirə"nin futbolçusu Ceyhun Nuriyev deyib.
"Qartallar"ım yarımmüdafiəçisi mövsümlərarası fasilədə kollektivin daha da gücləndirdiyini də bildirib: "Yay fasiləsində düşərgəmizə səviyyəli oyunçular qoşulub. Hər birinin komandaya faydalı olacağını düşünürəm".
23 yaşlı futbolçu "Osiyek"lə matçda fərqlənmək istədiyini də gizlətməyib: "Hər oyunda qol vurmaq və komandamı irəli aparmaq istəyirəm. Təbii ki, Konfrans Liqasında fərqlənmək bütün futbolçu üçün xoşdu. Üzərimdə çox çalışıram ki, rəqib qapıçıları məyus edib. İnanıram ki, gec-tez avrokubok matçlarında adımı tabloya yazdıracam".
Qeyd edək ki, bu gün "Opus Arena"da keçiriləcək qarşılaşmanın start fiti Bakı vaxtı ilə saat 22:00-da sələnəcək.
ABDULLA İSMAYILOĞLU
