Sport24.az
"Mançester Yunayted"in futbolçusu Ceydon Sanço karyerasını İtaliya A Seriyasında davam etdirə bilər. Sport24.az xəbər verir ki, "Napoli" İngiltərə millisinin üzvünü transfer etmək istəyir.
Bu barədə insayder Canluka Di Martsio məlumat yayıb.
Sanço İtaliya çempionu ilə şəxsi müqavilənin şərtlərini razılaşdırıb. "Mançester Yunayted" 25 yaşlı ön xətt oyunçusu üçün 25 milyon avro tələb edir.
Qeyd edək ki, Ceydon Sanço başa çatan mövsümdə icarə əsasında "Çelsi"nin formasını geyinib. O, "mavilər"in heyətində meydana çıxdığı 42 rəsmi matçda 5 qol və 10 məhsuldar ötürmə ilə yadda qalıb.
