Sport24.az
"Sabah"ın futbolşusu Cesse Sekidikanın Sport24.az-a müsahibəsi
- "Qarabağ"a qarşı kubokun final matçında qələbə qazandınız. Görüş haqda fikrin necədir?
- Çox həyəcanlı və gərgin oyun oldu. Amma biz sonuna qədər inandıq və sona qədər mübarizə apardıq. Komandamı təbrik edirəm. "Qarabağ" çox yaxşı komandadır, onlar da yaxşı oynadılar. Hər halda, biz kuboku qazandıq, buna görə də xoşbəxtəm.
- Hesab 2:1 olarkən, nə düşünürdün? Məğlubiyyətlə razılaşmışdız?
- Biz istənilən halda, inanırdıq. Bilirdik ki, kubok görüşüdür və sonuna qədər mübarizə aparmaq lazımdır. Hər an hər şeyin dəyişə biləcəyini bilirdik. Doğrudur, penaltidən yararlana bilmədik. Amma komanda olaraq bütün gücümüzü meydanda qoyduq. Qalib gəldiyimizə görə şadam.
- Matçdan öncə penaltilər seriyası üçün məşq etmişdiz?
- Bəli, əlbəttə. Amma biz inanırdıq ki, məsələ penaltilərə getməyəcək. Oyunun əsas və ya əlavə vaxtında qalib gələcəyimizə inanırdıq. Ona görə də şadam ki, qalib gəldik.
- Vasili Berezutski komandaya gəldikdən sonra "Sabah" "Qarabağ"a uduzmayıb. Əsas sirr nədədir?
- Vasili Berezutski yaxşı insandır, yaxşı məşqçidir. Yeni gələn kimi hər şeyi bir anda dəyişmək də asan deyil. Amma şadam ki, biz kuboku qazanmağı bacardıq.
- Yeni mövsüm üçün "Sabah"da qalacaqsan, yoxsa "Neftçi" və ya "Qarabağ"a keçəcəksən? Mətbuatın iddiasına görə, bu iki klub da səni istəyir...
- "Sabah"la bir illik müqaviləm var. Mən bu gündəndən həzz alıram. Məni istəyən klub öncə "Sabah"la danışıq aparmalıdır.
