Sport24.az
Premyer Liqada 5 tur geridə qalmasına baxmayaraq "Sumqayıt" transfer çalışmalıarını davam etdirir. Sport24.az-ın əldə etdiyi məlumata görə, "kimyaçılar"ın düşərgəsinə daha bir legioner qoşulub.
Milos Miloviç mərkəz müdafiəçi mövqeyində çıxış edir. 1, 89 böya malik 28 yaşlı çernoqoriyalının son klubu Çin təmsilçisi "Tsindao" olub. Karyerası ərzində Vətəni ilə yanaşı, Serbiya, Finlandiya, Kosovo və Özbəkistanda legioner həyatı yaşayan stopper Çernoqoriya millisində 4 oyun keçirib. Miloviç tibbi müayinədən uğurla keçəcəyi halda "kimyaçılar" onunla müqavilə bağlayacaq.
Qeyd edək ki, Sumqayıtın eyni adlı klubu bu yay heyətinə Rəhim Sadıxov, Fernando Medeiros, Nikola Vuynoviç, Slavişa Radoviç, Sərtan Taşkın, Alan Dias və Silvanus Nimelini cəlb edib.
