İdman.biz
Mehdi Cənnətov Azərbaycan millisinin antirekordunu təkrarlayıb.
İdman.biz xəbər verir ki, o, yığmadakı ilk 4 oyunda ən çox qol buraxan qapıçı adına şərik çıxıb.
Mehdi bu matçlarda 9 top buraxıb. O, Moldova ilə 2021-ci ildə keçirilən səfərdəki yoldaşlıq oyununda (0:1) debüt edib.
Üç ildən sonra əsas heyətə dönən qolkiper Millətlər Liqasının üç oyununda 8 top buraxıb. O, Isveç və Estoniyanın (hər ikisi 1:3) hərəsindən üç, Slovakiyadan (0:2) iki qolu qapısında görüb.
Azərbaycan millisinin 32 illik tarixində bundan uğursuz start olmayıb. Eyni hadisə ilə Dmitri Kramarenko da üzləşib. Dimitri dörd görüşdə 9 top buraxıb. Nizami Sadıqov isə cəmi üç matçda iştirak etsə də, elə eyni sayda üzülüb.
Qeyd edək ki, millinin tarixində yalnız bir qapıçı ilk 4 oyunda qapısını toxunulmaz saxlayıb. Bu, Hüseyn Məhəmmədov olub.
İdman.biz
