Sport24.az
"Hayduk"un baş məşqçisi Cennaro Qattuzo futbolçulara və köməkçilərinə hədiyyələr vermək qərarına gəlib. Sport24..az xarici KİV-ə istinadən xəbər verir ki, italiyalı çalışdırıcı hər kəsə yeni "iPhone 16" markalı telefon alıb.
Qattuzo təxminən 30-35 telefon sifariş edib ki, bu da ona 40 min avroya başa gəlib. Onun bu hədiyyələri etməsinə səbəb komandasının uğurlu çıxışı olub.
"Hayduk" sentyabrın 13-də səfərdə Zaqreb "Dinamo"sunu məğlub edib. Qattuzonun yetirmələrinin 1:0 hesabı ilə qalib gəldiyi görüşdə yeganə qolu Marko Livaya vurub.
Qeyd edək ki, Qattuzo mövsümlərarası fasilədə "Hayduk"un "sükanı arxasına" keçib.
