Qol.az
UEFA prezidenti Aleksander Çeferin Çempionlar Liqasını yeni formatını şərh edib.
2024/25 mövsümündən başlayaraq, Avropanın birnömrəli klub turnirində qrup mərhələsi ləğv olunub və 36 komandanın iştirakı ilə Liqa mərhələsi keçirilir.
QOL.az xəbər verir ki, Aleksander Çeferin İtaliya mətbuatına müsahibəsində yeni formatdan olduqca razı qaldığını söyləyib:
"Yeni formatımız böyük uğur qazandı. Düşünürəm ki, futbolu sevən və anlayan hər kəs başa düşər ki, bu mövsüm fantastik keçdi. Həqiqətən əla oyunlarımız oldu. Qrup mərhələsinin son günü inanılmaz idi. Bəzi böyük komandalar ciddi şəkildə turnirdən kənar qalmaq təhlükəsi ilə üzləşmişdi. Məsələn, hazırda yarımfinalda olan PSJ. Əgər onlar bir-iki oyunu uduzsaydılar, turnirdən kənar qalacaqdılar. Yəni, fantastik bir mövsüm oldu. Düşünürəm ki, hətta daim hər şeyi tənqid edənlər belə indi bunu başa düşüblər. Onlar bunu etiraf etmək istəyirlərsə, bu artıq başqa məsələdir. "İnter" isə qrup mərhələsini keçərək yarımfinala çıxan yeganə İtaliya komandasıdır".
