İdman.biz
Çempionlar Liqasında Liqa mərhələsinin IV turunun ilk günü maraqlı məqamlarla zəngin olub.
İdman.biz xəbər verir ki, İFFHS günün statistikaları ilə bağlı hesabat təqdim edib.
"Milan"a 1:3 hesabı ilə uduzan "Real"ın İtaliya klubları ilə matçlardakı 10 oyunluq qələbə seriyası qırılıb. Bir klubun eyni ölkə təmsilçiləri ilə duelləri üçün rekord seriyadır.
2019-cu il martın 5-də "Ayaks"a 1:4 hesabı ilə uduzan "Real" sonrakı 68 ayda ilk dəfə 2 top fərqi ilə məğlub olub.
"Real" 2020-ci ilin oktyabrından sonra ilk dəfə ardıcıl 2 ev məğlubiyyəti alıb. Həmin vaxt "Kadis" 1:0, "Şaxtyor" 3:2 hesabına sevinib. Son iki məğlubiyyətə qədər Madrid klubu 39 ev oyununda uduzmamışdı.
Tiyani Reynders "Milan"dakı son 5 oyununda 4 qol vurub. Maraqlıdır ki, o, bunadək keçirdiyi 60 matçda da eyni sayda qola imza atıb.
"Sportinq"ə 1:4 hesabı ilə uduzan "Mançester Siti" 2018-ci ildən sonra ilk dəfə ardıcıl 3 məğlubiyyət alıb.
"Mançester Siti" tarixində 2-ci dəfə Çempionlar Liqasında 4 top buraxıb. 2016-cı il oktyabrın 19-da "Barselona" "şəhərlilər"ə qənim kəsilib.
"Sportinq" Pep Qvardiolanın komandasına Çempionlar Liqasında 4 qol vuran 3-cü komandadır. "Real" "Bavariya"ya, "Barselona" "Mançester Siti"yə aman verməyib. Hər iki görüş 4:0 hesabı ilə bitib.
Viktor Qyokereş Çempionlar Liqasında het-trik edən ikinci isveçlidir. Zlatan İbrahimoviç 2013-cü il oktyabrın 23-də PSJ-nin heyətində "Anderlext"ə üç qol vurub.
Qyokereş Lionel Messi (19 oktyabr 2016-cı il, "Barselona") və Kristofer Nkunkudan (15 sentyabr 2021-ci il, "Leypsiq") sonra "Mançester Siti"yə üç qol vuran 3-cü futbolçu olub.
Qyokereş "Sportinq"lə Çempionlar Liqasında het-trik edən 3-cü oyunçudur. Joao Lorens 1970-ci il sentyabrın 16-da "Fiorentina", Antonio Oliveyra 1982-ci il sentyabrın 29-da Zaqreb "Dinamo"suna qarşı het-trik edib.
Erlinq Haland Çempionlar Liqasında ikinci dəfə penaltini qaçırıb. O, 2023-cü ildə "Bavariya" ilə matçda imkanı əldən verib.
Çempionlar Liqası tarixində ikinci dəfə Karlo Ançelotti və Pep Qvardiolanın komandaları eyni gündə uduzub. 2021-ci il sentyabrın 28-də "Real" "Şerif"ə 1:2, "Mançester Siti" PSJ-yə 0:2 hesabı ilə yenilib.
"Jirona"nı 4:0 hesabı ilə məğlub edin PSV Çempionlar Liqasında ən böyükhesablı qələbəsini qazanıb və ilk dəfə 4 qol vurub.
Lük de Yonq Niderland klubları ilə ən çox avrokubok matçı keçirən futbolçu olub. O, Villi van de Kekhof, Dabbi Blind və Nik Vergeveri keçib.
Malik Tilman Çempionlar Liqasının oyununda qol və assistə imza atan 4-cü ABŞ futbolçusudur.
4 oyunda 4 avtoqol edən "Jirona" bir mövsüm üçün antirekorda imza atıb. 2007/08 mövsümündə "Fənərbaxça" 3 dəfə topu öz qapısına vurub.
23 yaş 245 günlük start heyətə malik "Monako" Çempionlar Liqasının ən gənc "11-liy"inin müəllifi olub.
"Monako" künc zərbəsindən sonra mövsümdə 6-cı qolu vurub. Bu, mövsümün "Top-5" Liqa klubları üçün rekordudur.
Ardıcıl 23 oyunda qol buraxan "Monako" 2016-cl il noyabrın 2-dən sonra ilk dəfə qapısını toxunulmaz saxlayıb.
"Bolonya" avrokuboklarda ilk ev məğlubiyyətini alıb. Bu, 28 oyun – 16 qələbə və 12 heç-heçədən sonra gerçəkləşib.
Dortmund "Borussiya"sı ardıcıl 13 ev oyununda uduzmamaqla klubun Çempionlar Liqası rekordunu yeniləyib: 9 qələbə, 4 heç-heçə.
"Leypsiq" 2007-ci ildən sonra ilk Almaniya klubudur ki, startda 4 məğlubiyyət alıb. 17 il əvvəl "Ştutqart" bu aqibətlə üzləşib.
Duşan Vlahoviç "Yuventus"da 50-ci qoluna imza atıb.
Conatan Devidin qol vurduğu ev oyunlarında "Lill" uduzmayıb: 30 qələbə, 8 heç-heçə.
"Liverpul" 2021-ci ildən sonra ilk dəfə startda ardıcıl 4 qələbə qazanıb.
Luis Dias het-trik edən ikinci kolumbiyalıdır. Ona qədər 1997-ci ildə "Nyukasl" forması geyinən Faustino Asprilya "Barselona"ya üç qol vurub.
Bu, "Liverpul"un Çempionlar Liqasında 7-ci het-trikidir. Maykl Ouen 2002, Yossi Benayun 2007, Filippe Koutinyo 2017, Sadio Mane 2018, Dioqo Jota 2020, Məhəmməd Salah 2022-ci ildə bunu bacarıb.
Zaqreb "Dinamo"sunun qapıçısı Daniel Zaqoratsın Çempionlar Liqasında debütü 37 yaşdan sonra gerçəkləşib. O, cari mövsümdə 4-cü belə oyunçu olub ki, bu da rekorddur.
İdman.biz
