Idman.biz
"Barselona", "Real Madrid" və Supeliqanı təmsil edən "A22" şirkəti son səkkiz ay ərzində gizli danışıqlar aparıb və Çempionlar Liqasının formatında dəyişikliklərlə bağlı yekun təklifi UEFA-ya təqdim edib.
Bu barədə İdman.biz "Mundo Deportivo"ya istinadən xəbər verir.
Təklifə əsasən, turnirdə mübarizə aparan 36 komanda iki qrupa bölünəcək. Birinciyə UEFA reytinqində yüksək yer tutan komandalar daxil olacaq ki, bu da top-klubların iştirak etdiyi matçların sayını artırmalıdır. Bu qrupda ilk səkkiz yeri tutan komandalar birbaşa 1/8 finala yüksələcək. İkinci səkkizlik və ikinci qrupun ən yaxşı səkkiz yeri tutan komandaları pley-off matçlarında oynayacaqlar.
Oyunların ya reklamla pulsuz, ya da ödənişli əsasda yeni srtiminq platformasında yayımlanması planlaşdırılır.
Yeni Çempionlar Liqasının 2027-ci ildə, turnirin televiziya hüquqlarının yeni mərhələsinin başlanması ilə start götürməsi gözlənilir.
