İdman.biz
Çempionlar Liqasında Liqa mərhələsinin IV turuna yekun vurulub.
İdman.biz xəbər verir ki, İFFHS ikinci oyun gününün statistik məqamları ilə bağlı hesabat hazırlayıb.
"Srvena Zvezda" ilə oyunda (5:2) iki qol vuran Rober Levandovski cari mövsümdə "Böyük beşlik" təmsilçilərində ən çox fərqlənən futbolçu adına yiyələnib – 19 top.
Rafinya təqvim ili ərzində "Barselona" ilə Çempionlar Liqasındakı qol sayını 8-ə çatdırıb. O, 2019-cu ildə 8 qola sevinən Messidən sonra ən yüksək göstəriciyə imza atıb.
Rafinya 2024-cü ildə "qol+ötürmə" sistemi ilə Çempionlar Liqasında 11 (8+3) xal yığmaqla Harri Keynlə şərikli rekordçudur.
Jül Kunde Çempionlar Liqası tarixində bir oyunda 3 assist edən 5-ci müdafiəçi olub.
Kunde 2016-cı il noyabrın 22-də Dortmund "Borussiya"sında "Legiya"ya qarşı üç assist edən Usman Dembelədən sonra bunu bacaran ilk fransalıdır.
2018-ci il oktyabrın 3-də "Tottenhem"lə matçda 3 assist edən Jordi Albadan sonra ilk dəfə "Barselona"nın oyunçusu buna Kunde ilə nail olub.
"Barselona" cari mövsümün 16 matçında 55 qol vurmaqla tarixinin mütləq rekorduna imza atıb. Klub 1950/51 mövsümündə 54 qol vurub.
"Barselona" Çempionlar Liqasının son üç matçında 4 və ya daha çox qola imza atıb. Bu, 1959/60 mövsümündən sonra klubun tarixində ilk belə hadisədir. Həmin vaxt "Milan" 5:1, "Vulverhempton" 4:0 və 5:2 hesabı ilə məğlub edilib.
"Barselona" 2017-ci ilin mayından sonra ilk dəfə ardıcıl 7 oyunda 3 və ya daha çox qol vurub. Lionel Messinin olmadığı dövrdə son belə seriya 1960-cı ilin martında qeydə alınıb.
"İnter"in "Arsenal"la matçında (1:0) penaltidən yararlanan Hakan Çalhanoğlu Milan təmsilçisinə keçdiyi 2021/22 mövsümündən indiyədək 19 penaltinin hamısını qola çevirib. Bu müvafiq dövr üçün "Böyük beşlik" liqalarında 100 faizlik nəticəyə malik oyunçular arasında rekorddur.
"Arsenal" 2006-cı ilin noyabrından sonra qol vurmadığı oyunlar üçün rekord sayda – 20 zərbə endirib. 18 il əvvəl MOİK-lə görüşdə 23 zərbə uğursuz alınıb.
Yan Zommer Çempionlar Liqasında "İnter" forması ilə keçirdiyi 11 oyunun 8-də qapısını toxunulmaz saxlayıb. 73 faizlik göstəriciyə malik qolkiper eyni klubda ən azı 10 matç keçirənlər arasında rekordçudur.
"Atletiko"ya 1:2 hesabı ilə uduzan PSJ ilk 4 oyunda 4 xal toplamaqla eyni göstərici ilə yadda qaldığı 2004/05 mövsümündən sonra ən pis nəticəsinə imza atıb.
PSJ tarixində ilk dəfə bir təqvim ilində Çempionlar Liqasında 5 məğlubiyyət alıb.
18 yaş 243 günlük Uorren Zair-Emeri PSJ-nin Çempionlar Liqasındakı ev qoluna imza atan ən gənc oyunçudur. O, 18 yaş 337 günlüyündə "Seltik"ə qol vuran Kilian Mbappeni keçib.
"Aston Villa"nın futbolçusu Tayron Minqs "Brügge" ilə oyunda (0:1) debüt matçında penaltiyə səbəb olan ilk ingilis olub.
"Sparta"ya 2:1 hesabı ilə qalib gələn "Brest" Çempionlar Liqasındakı ilk 4 matçında 3 qələbə qazanıb. Bunadək Fransa klublarından yalnız "Strasburq" ilk 4 görüşdə 3 dəfə qalib gəlib – 1979/80 mövsümündə.
"Brest" 1992-ci ildən keçirilən Çempionlar Liqasında uduzmayan yeganə komandadır – 3 qələbə, 1 heç-heçə.
"Brest" Çempionlar Liqasındakı ilk 4 matçında 9 qol vurmaqla 1966-cl idən sonra üçün Fransa rekordçusu olub. Həmin vaxt "Nant" 10 qola sevinib.
"Ştutqart"a 2 cavabsız qolla qalib gələn "Atalanta" və "İnter" cari mövsüm Liqa mərhələsində qol buraxmayıb.
Turnirdə keçirdiyi səfərdəki 13 matçdan 7-də qələbə qazanan "Atalanta" 54 faizlik göstərici ilə ən azı 10 oyuna çıxanlar arasında rekordçudur.
"Benfika"ya 1:0 hesabı ilə qalib gələn "Bavariya" Çempionlar Liqasındakı ev matçlarında məğlubiyyətsizliyini 18-ə çatdırıb: 14 qələbə, 4 heç-heçə.
"Feyenoord" – "Zaltsburq" matçında (1:3) start heyətində 18 ölkədən futbolçu olub. Bu, turnirin rekordudur.
"Yanq Boyz"a 2:1 hesabı ilə qalib gələn "Şaxtyor" 2023-cü il noyabrın 28-dən sonra başlayan 6 oyunluq qələbəsizliyə son qoyub: 2 heç-heçə, 4 məğlubiyyət.
İdman.biz
