Sport24.az
Çempionlar Liqasının cari mövsümündə ən sürətli futbolçular müəyyənləşib. Sport24.az xəbər verir ki, bu barədə Beynəlxalq İdman Tədqiqatları Futbol Mərkəzi (CIES) məlumat yayıb.
Mənbənin sözlərinə görə, mərkəzi müdafiəçilər arasında ən yüksək sürəti "Mançester Siti"dən Abdukodir Xusanov nümayiş etdirib. Özbəkistanlı stopper saatda 35,80 km (saatda 22,38 mil) sürətə çatıb. Bu nəticə onun kateqoriyasında ən yüksək göstərici olub.
PSJ müdafiəçisi İlya Zabarnı da siyahıya daxil olub. O, mərkəz müdafiəçiləri arasında 33,48 km/saat (saatda 21,88 mil) sürət ilə 14-cü yeri tutub.
CIES-in məlumatına görə, "Nyukasl"ın hücumçusu Entoni Qordon bütün mövqelərdə ən sürətli oyunçu olub. Forvardın maksimum sürəti saatda 37,92 km (saatda 23,58 mil) olub.
