Sport24.az
Bu gün UEFA Çempionlar Liqasında pley-pff mərhələsinin cavab görüşlərinə start verilir. İlk oyun gününə 3 qarşılaşma təyin olunub. Sport24.az xəbər verir ki, "Qalatasaray" doğma meydanda "Yanq BoyZ"u qəbul edəcək. İlk qarşılaşma İsveçrə təmsilçisinin 3:2 hesablı qələbəsi ilə başa çatıb. Komandalar indiyək 2 dəfə üz-üzə gəliblər. İstanbul təmsilçisi bu oyunlarda qələbə qazana bilməyib. Ötən həftədəki qarşılaşmadan başqa 1:1 hesabı ilə yekunlaşıb.
Digər dueldə "Salzburq" doğma azarkeşləri qarşısında "Dinamo Kiyev"lə üz-üzə gələcək. Tərəflər arasında keçirilən ilk qarşılama Avstriya təmsilçisinin 2:0 hesablı qələbəsi ilə yekunlaşıb. Cavab görüşü öncəsi Aleksandr Şavkovskinin rəhbərlik etdiyi kollektivin şansları o qədər yüksək qiymətləndirilməsə də, Ukraynalılar bu mərhələyədək Serbiyanın "Partiza" və Şotlandiyanın "Reyncers" komandalarını mübarizədən kənarlaşdırıblar, bu isə "Dinamo Kiyev" azarkeşlərinə müəyyən optimizm bəxş edir.
İsveç Təmsilçisi "Malmö" "Sparta Praqa"nın qonağı olacaq. İlk matçda Çexiya təmsilçisi 2:0 hesablı üstünlüyü ilə bitib. Komandalar indiyə qədər rəsmi matçlarda 3 dəfə qarşılaşıblar ki, bunlardan 2-sində "Sparta Praqa", 1-də isə İsveç kollektivi qələbəyə sevinib. Fransalı referi Kleman Turpenin idarə edəcəyi qarşılaşma "Letna stadion"unda təşkil ediləcək.
Bütün qarşılaşmalar saat 23:00-də start götürəcək.
