Idman.biz
UEFA Çempionlar Liqasının əsas mərhələsində VI turun oyunları keçirilir.
İdman.Biz xəbər verir ki, "Monako" öz meydnçasında İstanbulun "Qalatasaray" klubunu qəbul edib.
50-ci dəqiqədə meydan sahiblərinin oyunçusu Denis Zakaria penaltidən yararlana bilməyib. 68-ci dəqiqədə Folarin Baloqun matçda yeganə qolu vurub – 1:0.
"Barselona" "Qarabağ"ın rəqiblərindən olan "Ayntraxt Frankfurt"la oynayıb.
21-ci dəqiqədə Ansqar Knauff qonaqları hesabda irəli çıxarıb. 50-ci dəqiqədə Jül Kunde cavab qolunu vurub. 53-cü dəqiqədə Kunde özünün ikinci qoluna imza atıb - 2:1.
Madridin "Atletiko" klubu Niderlandda PSV-nin qonağı olub. Matç 3:2 hesabı ilə İspaniya təımsilçisinin xeyrinə qurtarıb.
10-cu dəqiqədə Qus Til PSV-ni hesabda irəli çıxarıb. 37-ci dəqiqədə argentinalı hücumçu Julian Alvares hesabı bərabərləşdirib. 52-ci dəqiqədə "Atletiko"dan David Qansko komandasına üstünlük qazandırıb. 56-cı dəqiqədə Aleksandr Sörlot fərqi artırıb. 85-ci dəqiqədə isə Rikardo Pepi fərqi yenidən azaldıb.
"Tottenhem" Praqanın "Slaviya" klubunu sınağa çəkib. Oyun 3:0 hesabı ilə İngiltərə klubunun qələbəsi ilə bitib.
26-cı dəqiqədə praqalıların müdafiəçisi David Zima öz qapısına qol vurub. 50-ci dəqiqədə yarımmüdafiəçi Məhəmməd Kudus penaltidən vurduğu qolla londonluların üstünlüyünü ikiqat artırıb. 80-ci dəqiqədə yarımmüdafiəçi Xavi Simons penaltidən vurduğu qolla hesabı 3:0 edib.
Belçikada yerli "Yunion" "Marsel"lə qarşılaşıb. Oyunda qələbəni qonaqlar bayram ediblər - 2:3.
Meydan sahiblərinin yarımmüdafiəçisi Anan Xalaili 5-ci dəqiqədə hesabı açıb. "Marsel"in hücumçusu İqor Paişao 15-ci dəqiqədə hesabı bərabərləşdirib. 41-ci dəqiqədə hücumçu Meyson Qrinvud qonaqları irəli çıxarıb. Qrinvud 58-ci dəqiqədə Fransa klubunun üstünlüyünü daha da artırıb. Xalaili 71-ci dəqiqədə ikinci qolunu vurub – 2:3.
"İnter"lə "Liverpul" da bu tur çərçivəsində güclərini sınayıblar. Oyun qonaqların minimal hesablı qələbəsi ilə qurtarıb.
32-ci dəqiqədə "Liverpul"un müdafiəçisi İbrahima Konate hesabı açsa da, VAR-ın yoxlamasından sonra qol hesaba alınmayıb. 88-ci dəqiqədə "Liverpul"un yarımmüdafiəçisi Dominik Soboslai penaltidən zərbəni dəqiq yerinə yetirib - 0:1.
İtaliyada daha bir yerli klub İngiltərə komandasını qəbul edib. "Çelsi" səfərdə "Atalanta" ilə qarşılaşıb. Qarşılaşmada meydan sahibləri üstün olublar - 2:1.
Joao Pedro 25-ci dəqiqədə qonaqları hesabda irəli çıxarıb, Canluka Skamakka 55-ci dəqiqədə bərabərlik qolunu vurub. 83-cü dəqiqədə Şarl De Ketelaere italyanların qələbə qoluna imza atıb.
23:48
UEFA Çempionlar Liqasının əsas mərhələsində VI turun oyunları keçirilir.
İdman.Biz bildirir ki, turun ikinci oyununda "Bavariya" "Sportinq"i qəbul edib.
Oyun 3:1 hesabı ilə münhenlilərin qələbəsi ilə yekunlaşıb.
54-cü dəqiqədə Coşua Kimmix öz qapısına qol vuraraq qonaqları hesabda irəli çıxarıb. 65-ci dəqiqədə Serj Qnabri hesabı bərabərləşdirib. 69-cu dəqiqədə Lenart Karl münhenliləri hesabda irəli çıxarıb. 77-ci dəqiqədə Jonatan Ta Almaniya komandasının üçüncü qolunu vurub.
21:31
UEFA Çempionlar Liqasının əsas mərhələsində VI tura start verilib.
İdman.Biz bildirir ki, ilk olaraq "Kayrat" və "Olimpiakos" Almatıda üz-üzə gəliblər.
73-cü dəqiqədə Jelson Martinş oyunda yeganə qolu vuraraq Yunanıstan klubuna qələbə qazandırıb - 0:1.
09:30
UEFA Çempionlar Liqasının əsas mərhələsində VI tura bu gün start veriləcək. İlk oyun günündə ümumilikdə 9 qarşılaşma keçiriləcək.
İdman.Biz xəbər verir ki, Türkiyənin "Qalatasaray" klubu səfərdə Fransa təmsilçisi "Monako" ilə üz-üzə gələcək.
Günün ən çox maraq doğuran qarşılaşmalarından biri isə İtaliyada baş tutacaq – "İnter" doğma meydanda İngiltərənin "Liverpul" komandasını qəbul edəcək.
UEFA Çempionlar Liqası
Liqa mərhələsi, VI tur
9 dekabr
19:30. "Kayrat" (Qazaxıstan) - "Olimpiakos" (Yunanıstan)
21:45. "Bavariya" (Almaniya) - "Sportinq" (Portuqaliya)
23:59. "Atalanta" (İtaliya) - "Çelsi" (İngiltərə)
23:59. "Barselona" (İspaniya) - "Ayntraxt" (Frankfurt, Almaniya)
23:59. "İnter" (İtaliya) - "Liverpul" (İngiltərə)
23:59. "Monako" (Fransa) - "Qalatasaray" (Türkiyə)
23:59. PSV (Niderland) - "Atletiko" (İspaniya)
23:59. "Yunion" (Belçika) - "Marsel" (Fransa)
23:59. "Tottenhem" (İngiltərə) - "Slaviya" (Çexiya)
Qeyd edək ki, VI turun digər oyunları dekabrın 10-da baş tutacaq.
