Lent.az
Bir vaxtlar "Beşiktaş"ın heyətində Çempionlar Liqasında oynamış Orkan Çınar 29 yaşında yaşıl meydançaya vida edərək Bursanın İnegöl rayonunda dönərçi dükanı açıb.
Lent.az-ın Türkiyə KİV-nə istinadla xəbərinə görə, gələcəyin ən vacib ulduzlarından biri kimi təqdim olunmasına baxmayaraq, gözlədiyi irəliləyişi edə bilməyən "Beşiktaş"ın keçmiş ulduzu Orkan Çınarın hazırkı vəziyyəti məlum olub.
29 yaşında futbolçuluq karyerasına vida edən n Orkan Çınar, böyük qardaşı ilə birlikdə Bursanın İnegöl rayonunda dönər dükanı açıb. Bir müştəri onun mağazasında çəkdirdiyi şəkli sosial mediada paylaşdıqdan sonra futbol azarkeşləri onun yeni karyerasını görəndə heyrətləniblər.
Bunu görənlər 2017-ci ildə "Beşiktaş"a transfer olunduqdan sonra böyük istedadı ilə tanınan və hətta "qara-ağlar"ın məşqçisi Şenol Günəşin verdiyi şansla Çempionlar Liqasında oynayan Orkan Çınarın futbolu niyə belə gənc yaşda tərk etdiyini anlaya bilmirlər.
Oyunçu karyerasında 229 oyun keçirən Orkan 31 qol vurub və 20 məhsuldar ötürmə edib. Sağ cinah oyunçusu son olaraq "Adanaspor"da oynayıb.
