Idman.biz
"Qarabağ" bu gün UEFA Çempionlar Liqasında növbəti oyununa çıxacaq.
İdman.biz xəbər verir ki, Ağdam təmsilçisi III təsnifat mərhələsində Şimali Makedoniyanın "Şkendiya" klubu ilə cavab matçını keçirəcək.
Tofiq Bəhramov adına Respublika Stadionunda təşkil olunacaq görüşdə Azərbaycan çempionu favorit hesab edilir. Səfərdə 1:0 hesabı ilə qələbə qazanan "Qarabağ"ın bu qarşılaşmanı da xeyrinə bitirəcəyi gözlənilir.
UEFA Çempionlar Liqası
III təsnifat mərhələsi, cavab oyunu
20:00. "Qarabağ" (Azərbaycan) – "Şkendiya" (Şimali Makedoniya)
Baş hakim: Danni Makkelie (Niderland)
"Qarabağ": 99. Mateuş Koxalski, 2. Mateus Silva, 13. Bəhlul Mustafazadə, 81. Kevin Medina, 44. Elvin Cəfərquliyev, 8. Marko Yankoviç, 35. Pedro Bikalyo, 20. Kadi Borges, 15. Leandro Andrade, 10. Abdullah Zubir (k), 90. Nəriman Axundzadə
Baş məşqçi: Qurban Qurbanov
"Şkendiya: 24. Babukar Qaye, 11. Ronaldo Vebster, 5. Klisman Cake, 15. İmran Fetai, 2. Aleksandr Trumçi, 28. Kamer Qaka, 4. Reşat Ramadani, 17. Arbin Zeynullai, 77. Lirodon Latifi, 19. Fabris Tamba, 7. Besart İbraimi (k).
Baş məşqçi: Jeton Beqiri
Bakı, Tofiq Bəhramov adına Respublika Stadionu
İlk oyun - 1:0
Qeyd edək ki, bu duelin qalibi pley-offda "Ludoqorets" (Bolqarıstan) - "Ferentsvaroş" (Macarıstan) cütün güclüsü ilə qarşılaşacaq. Uduzan tərəf isə eyni cütün məğlubu ilə UEFA Avropa Liqasının əsas mərhələsinə vəsiqə uğrunda üz-üzə gələcək.
İdman.biz
