Idman.biz
"Qarabağ" Çempionlar Liqasının pley-off mərhələsinin cavab matçında İngiltərənin "Nyukasl" komandası ilə üz-üzə gəlir.
İdman.Biz bildirir ki, komandalar arasında Bakıda keçirilmiş ilk oyun 6:1 hesabı ilə qonaqların xeyrinə qurtarıb.
23:07
"Qarabağ" klubu bu gün Çempionlar Liqasının pley-off mərhələsinin cavab matçında İngiltərənin "Nyukasl" komandası ilə üz-üzə gələcək.
Komandalar oyuna aşağıdakı heyətlərlə çıxacaqlar:
"Nyukasl": Aron Ramsdeyl, Kiran Tripye, Sven Botman, Joelinton, Sandro Tonali, Harvi Barns, Uilyam Osula, Ceykob Mörpfi, Nik Voltemade, Den Börn, Aleks Mörfi.
Baş məşqçi: Eddi Hau
"Qarabağ": Mateuş Koxalski, Mateus Silva, Marko Yankoviç, Coni Montiel, Abdullah Zubir, Kamilo Duran, Dani Bolt, Pedro Bikalyo, Elvin Cəfərquliyev, Bədavi Hüseynov, Kevin Medina.
Baş məşqçi: Qurban Qurbanov
09:13
"Qarabağ" klubu bu gün Çempionlar Liqasının pley-off mərhələsinin cavab matçında İngiltərənin "Nyukasl" komandası ilə üz-üzə gələcək.
İdman.Biz xəbər verir ki, komanda baş məşqçi Qurban Qurbanovun rəhbərliyi altında İngiltərədə meydana çıxacaq və qarşıdurmanın taleyi məhz bu oyunda müəyyənləşəcək.
Görüş Bakı vaxtı ilə saat 23:59-da başlayacaq. Matçı italiyalı FIFA referisi Davide Massa idarə edəcək.
Qeyd edək ki, qarşıdurmanın əsas fonunu ilk matç formalaşdırıb. Həmin oyunda "Qarabağ" doğma meydanda 1:6 hesabı ilə məğlub olub. Futbol portalları görüşü fasiləyə qədər faktiki olaraq həll olunmuş adlandırıblar, İngiltərə klubunun üstünlüyünü və Enthoni Qordonun pokerini xüsusi qeyd ediblər. Bu qollardan sonra duelə olan intriqa kəskin şəkildə azalıb.
